Erlent

Játaði að hafa drepið þúsundir skalla- og gullarna

Hólmfríður Gísladóttir skrifar
Skallaörnin var í hættu á miðri síðustu öld en hefur náð sér á strik.
Skallaörnin var í hættu á miðri síðustu öld en hefur náð sér á strik. Getty

Bandarískur maður hefur játað að hafa skotið þúsundir verndaðra fugla á síðustu árum og selt fjaðrir þeirra og parta á svörtum markaði. Í skilaboðum til kaupanda talaði hann frjálslega um að hafa brotið lög og drepið marga fugla á skömmum tíma.

Helsta bráð Travis John Branson, 48 ára, voru skallaernir og gullernir. Branson er sagður hafa ferðast ítrekað frá heimili sínu í Washington til Montana, þar sem hann og samverkamaður hans drápu í kringum 3.600 fugla á Flathead-verndarsvæðinu og víðar á árunum 2015 til 2021.

Málið komst upp þegar Branson var stöðvaður í umferðinni 13. mars 2021 og klær og fjaðrir fundust í bifreiðinni. Branson á yfir höfði sér allt að fimm ára fangelsi og sekt upp á 250 þúsund dollara.

Skallaörnin er þjóðarfugl Bandaríkjanna og var í útrýmingarhættu á síðustu öld, meðal annars vegna veiða og notkunar skordýraeiturs sem barst í tegundina með þeim afleiðingum að skurn eggja arnarins varð brothættari.

Árið 1963 var áætlað að stofnin teldi aðeins 417 verpandi pör en síðan þá hefur hann náð sér á strik.

Bandaríkin Dýr Dýraheilbrigði Skotveiði Fuglar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið