Gjaldþrotið nam 124 milljónum króna

Kolbeinn Tumi Daðason skrifar 19. febrúar 2024 12:21

Lýður B. Skarphéðinsson var annar eigandi Eins og fætur toga í þrettán ár. Eins og fætur toga

Gjaldþrot verslunarinnar Eins og fætur toga sem varð gjaldþrota í mars í fyrra en er nú rekin af nýjum aðilum nam 124 milljónum króna. Greint er frá uppgjöri þrotabúsins í Lögbirtingablaðinu í dag.

Félagið var stofnað árið 2010 og var í eigu Lýðs B. Skarphéðinssonar og Elvu Bjarkar Sveinsdóttur. Það bauð upp á göngugreiningu, innlegg og skó í verslunum sínum í Kringlunni og síðar Höfðabakka.

Tilkynning um lokun verslana tímabundið á Facebook-síðu verslunarinnar seinni hluta mars í fyrra kom mörgum í opna skjöldu. Vísað var á lögfræðing Logos. Kom í ljós að Héraðdsómur Reykjavíkur hafði tekið verslunina til gjaldþrotaskipta.

Bjarki Már Magnússon, lögfræðingur hjá Logos, sagðist vonast til að koma rekstrinum aftur í gang. Svo fór að heildsalan Run2 tók við rekstrinum og hefur starfsemi verslunarinnar í Höfðabakka verið undir heitinu Fætur toga. Fjóla Signý Hannesdóttir er eigandi Run2.

Lýstar kröfur í þrotabúið námu 124 milljónum króna. Þar af voru lýstar veðkröfur tæplega 18 milljónir króna sem fengust að fullu greiddar. Lýstar forgangskröfur námu tæplega 38 milljónum króna en aðeins fengust tvær milljónir króna greiddar.

Gjaldþrot Verslun

Tengdar fréttir

Opna Fætur toga á ný

Verslunin Fætur toga verður opnuð aftur á morgun eftir stutta lokun. Heildsalan Run2 hefur tekið við rekstrinum og verður starfsemi búðanna í nánast óbreyttri mynd.

31. mars 2023 16:23

Gjaldþrot kom eiganda Eins og fætur toga í opna skjöldu

Félagið Eins og fætur toga ehf., sem hefur sérhæft sig í göngugreiningu og sölu á hlaupaskóm og innleggjum, hefur verið tekið til gjaldþrotaskipta og tveimur verslunum lokað. Eigandinn segir stöðuna sem upp er komin hafa komið sér í opna skjöldu. Skiptastjóri segist vonast til að geta selt reksturinn svo starfsemin geti haldið áfram.

29. mars 2023 14:21

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir