Viðskipti innlent

Kaupa Dive.is að fullu

Atli Ísleifsson skrifar
Höskuldur Elefsen er framkvæmdastjóri Dive.is.
Höskuldur Elefsen er framkvæmdastjóri Dive.is. Aðsend

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is.

Sagt er frá þessu í tilkynningu. Þar segir að fyrir hafi Kynnisferðir átt 51 prósenta hlut í félaginu á móti Tobias Klose. 

„Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta sæti á Tripadvisor yfir fyrirtæki sem bjóða uppá afþreyingu frá Reykjavík og er þar með meira en tólf þúsund fimm stjörnu umsagnir. Dive.is er auk þess fimm stjörnu PADI köfunarskóli sem kennir flest þurrbúninganámskeið á ári í allri Evrópu,“ segir í tilkynningunni.

Kemur fram að velta Dive.is á síðasta ári hafi verið 575 milljónir króna og hafi að jafnaði 24 starfsmenn starfað hjá félaginu.

Kaup og sala fyrirtækja Ferðamennska á Íslandi Þingvellir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið