131 milljón króna til Jóns Óttars Kolbeinn Tumi Daðason skrifar 9. september 2020 14:10 Helgi Seljan og Þorsteinn Már horfast stuttlega í augu í dómsal eftir hádegi. Helgi hefur verið í aðalhlutverki hjá Rúv í umfjöllun um Samherja undanfarin ár. Vísir/Egill Af þeim 306 milljónum króna sem Samherji krefst þess að Seðlabanki Íslands greiði fyrirtækinu í skaðabætur vegna kostnaðar sem féll til við rannsókns bankans á Samherja eru rúmlega 130 milljónir vegna launa til Jóns Óttars Ólafssonar. Þorsteinn Már Baldvinsson, forstjóri Samherja, sagði við aðalmeðferðina í morgun að málarekstur Seðlabankans hefði verið gjörsamlega galinn. Þurfti Kjartan Björgvinsson, dómari í málinu, að biðja Þorstein að róa sig þegar forstjórinn sat undir spurningum lögmanns Seðlabankans um starfsemi Samherja í Afríku. Þorsteinn sagði ásakanir Seðlabankans hljóða upp á 85 milljarða króna vanskil á gjaldeyri. Aðalmeðferð í málinu hófst í morgun og stendur fram eftir degi. Eftir hádegið mættust Helgi Seljan, fréttamaður Kveiks, og Þorsteinn Már í dómsal en óhætt er að segja að andað hafi köldu milli þeirra tveggja undanfarin ár vegna þessa máls og nú nýlega umfjöllunar Kveiks um viðskipti Samherja í Afríku. Málið fellt niður í tvígang Málið er rekið fyrir Héraðsdómi Reykjavíkur í dag en um er að ræða tvö mál. Annars vegar mál Samherja gegn bankanum þar sem að auki er krafist tíu milljóna í miskabætur og hins vegar einkamál Þorsteins Más sem krefst 6,5 milljóna króna í bætur. Samherja var ætlað að hafa brotið lög á meðan fjármagnshöft voru við lýði á árunum eftir hrunið haustið 2008. Var ráðist í húsleitir á skrifstofum Samherja bæði í Reykjavík og Akureyri í mars 2012 í tengslum við málið. Már Guðmundsson var Seðlabankastjóri þegar rannsókn á málum Samherja stóð yfir.Vísir/Vilhelm Að lokinni rannsókn Seðlabankans fór málið í hendur sérstaks saksóknara sem felldi það niður tvisvar sinnum. Ástæðan var sú að ekki væri refsiheimlid í reglugerð til að refsa fyrir meint brot. Seðlabankinn lagði þá fimmtán milljóna króna stjórnvaldssekt á Samherja sem var felld úr gildi með Hæstaréttardómi í nóvember fyrir tveimur árum. Már Guðmundsson, sem var Seðlabankastjóri á þeim tíma sem málið var til meðferðar hjá bankanum og dómstólum, sagði það hafa verið ótvíræða skyldu að kæra Samherja. Um fjörutíu prósent til Jóns Óttars Skaðabótamálið var þingfest í Héraðsdómi Reykjavíkur fyrir ári. Þá kom fram í máli Garðars G. Gíslasonar, lögmanns Samherja, að stærstur hluti kröfunnar væri tilkominn vegna kostnaðar við lögmenn og endurskoðendur, eða hátt í 247 milljónir króna. Um 59 milljónir króna væru vegna ýmiss kostnaðar sem fyrirtækið varð fyrir. Meðal annars launakostnaðar. Þá hefði fyrrverandi fjármálastjóri fyrirtækisins orðið óvinnufær vegna kvíða og þunglyndis og glímdi við meiriháttar kulnun í starfi eftir rannsóknina. Lögmaður Samherja vísar til þess að rannsóknin hafi staðið yfir í hátt í átta ár og því hafi kostnaðurinn safnast saman yfir þann tíma. Þá hafi rannsóknin beinst að um þrjátíu fyrirtækjum í samstæðu Samherja. Umfanginu hafi fylgt mikill kostnaður. Í frétt Kjarnans af aðalmeðferð málsins í morgun kemur fram að Arna McClure, yfirlögfræðingur Samherja, hafi staðfest að tæplega meirihluti skaðabótakröfu fyrirtækisins væri vegna vinnu Jóns Óttars. Í aðalhlutverki í deilunum við RÚV Jón Óttar sagði í dómsalnum í morgun að vinna hans hefði að miklu leyti farið fram erlendis og þá verið fjarri fjölskyldu sinni til lengri tíma. Hann hefði unnið með nokkrum íslenskum lögfræðistofum við rannsókn málsins. Jón Óttar sem viðmælandi í myndböndum Samherja sem birt hafa verið undanfarnar vikur. Jón Óttar hefur verið í aðalhlutverki hjá Samherja eftir að fréttaskýringaþátturinn Kveikur í Ríkissjónvarpinu greindi var frá viðskiptahættum fyrirtækisins í Namibíu. Málið er til rannsóknar hjá yfirvöldum hérlendis sem í Namibíu. Í vörn sinni hefur Samherji unnið myndbönd þar sem efasemdafræjum hefur verið sáð varðandi umfjöllun Kveiks. Jón Óttar hefur verið viðmælandi í myndböndum fyrirtækisins. Þá hefur hann viðurkennt að hafa sent Helga Seljan, fréttamanni Kveiks, óeðlileg skilaboð í ágúst síðastliðnum. Í sálfræðimeðferð og á geðlyfjum Þorsteinn Már Baldvinsson, forstjóri Samherja, sagði Seðlabankann hafa keyrt málið í gegnum fjölmiðla. Samherji hefði kostað öllu til að komast til botns í málinu og hvergi til sparað. Niðurstaða rannsóknar Samherja hefði verið sú að gjaldeyri hefði verið skilað af kostgæfni. Þegar Jóhannes Karl Sveinsson, lögmaður Seðlabankans, fór að spyrja Þorstein frekar út í málið voru svör forstjórans í styttri kantinum. Þurfti Kjartan dómari nokkrum sinnum að biðja forstjórann um að svara spurningum eða þá neita því að svara þeim að því er fram kemur á vef Viðskiptablaðsins. Þorsteinn Már, fyrir miðju, í dómsal í dag.Vísir/Egill Á vef Mbl er haft eftir Sigursteini Ingvarssyni, fyrrverandi fjármálastjóra Samherja, að hann hefði hætt hjá fyrirtækinu vegna málsins. Hann hefði verið kominn á slæman stað andlega vegna ásakana um fjármálamisferli og ákveðið að setja heilsuna í forgang. Hann væri í sálfræðimeðferð og tæki geðlyf. Aðspurður af Kjartani dómara hvort hann sjálfur hefði velt fyrir sér að höfða einkamál gegn Seðlabankanum svaraði hann því neitandi. Ásakanirnar óljósar Arna Bryndís Balvdins McClure, yfirlögfræðingur Samherja, sagðist í dómsal hafa verið falið það hlutverk að halda utan um ásakanir Seðlabankans um brot á gjaldeyrishöftum. Ásakanirnar hafi verið óljósar og fyrirtækið ekki geta gert annað en velt við öllum steinum í starfsemi félagsins víða um heim. Málið hefði strax ratað í fjölmiðla hér heima og utan landsteinanna. Málið hefði augljóslega verið mjög alvarlegt en fyrirtækið átt í erfiðleikum með að átta sig á því hverjar ásakanirnar væru í grunninn. Lögmenn í forgrunni og Þorsteinn Már í bakgrunni.Vísir/Egill „Það var farið í að afla upplýsinga frá Seðlabankanum hvort Samherji hefði verið að gera eitthvað rangt,“ hefur Mbl.is eftir Örnu úr dómsal. „Ef það hefði verið rétt átti að tryggja að það myndi ekki halda áfram. Talað var við starfsfólk og farið í gegnum ákvarðanatökur.“ Í framhaldinu hefði hún velt fyrir sér hvort Seðlabankinn gæti staðið undir þeim ásökunum sem bankinn héldi fram í garð Samherja. Reikna má með því að dómur verði kveðinn upp í málinu innan fjögurra vikna. Samherji og Seðlabankinn Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Yfir milljón farþegar fyrstu fjóra mánuði ársins Viðskipti innlent Fleiri fréttir Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Sjá meira
Af þeim 306 milljónum króna sem Samherji krefst þess að Seðlabanki Íslands greiði fyrirtækinu í skaðabætur vegna kostnaðar sem féll til við rannsókns bankans á Samherja eru rúmlega 130 milljónir vegna launa til Jóns Óttars Ólafssonar. Þorsteinn Már Baldvinsson, forstjóri Samherja, sagði við aðalmeðferðina í morgun að málarekstur Seðlabankans hefði verið gjörsamlega galinn. Þurfti Kjartan Björgvinsson, dómari í málinu, að biðja Þorstein að róa sig þegar forstjórinn sat undir spurningum lögmanns Seðlabankans um starfsemi Samherja í Afríku. Þorsteinn sagði ásakanir Seðlabankans hljóða upp á 85 milljarða króna vanskil á gjaldeyri. Aðalmeðferð í málinu hófst í morgun og stendur fram eftir degi. Eftir hádegið mættust Helgi Seljan, fréttamaður Kveiks, og Þorsteinn Már í dómsal en óhætt er að segja að andað hafi köldu milli þeirra tveggja undanfarin ár vegna þessa máls og nú nýlega umfjöllunar Kveiks um viðskipti Samherja í Afríku. Málið fellt niður í tvígang Málið er rekið fyrir Héraðsdómi Reykjavíkur í dag en um er að ræða tvö mál. Annars vegar mál Samherja gegn bankanum þar sem að auki er krafist tíu milljóna í miskabætur og hins vegar einkamál Þorsteins Más sem krefst 6,5 milljóna króna í bætur. Samherja var ætlað að hafa brotið lög á meðan fjármagnshöft voru við lýði á árunum eftir hrunið haustið 2008. Var ráðist í húsleitir á skrifstofum Samherja bæði í Reykjavík og Akureyri í mars 2012 í tengslum við málið. Már Guðmundsson var Seðlabankastjóri þegar rannsókn á málum Samherja stóð yfir.Vísir/Vilhelm Að lokinni rannsókn Seðlabankans fór málið í hendur sérstaks saksóknara sem felldi það niður tvisvar sinnum. Ástæðan var sú að ekki væri refsiheimlid í reglugerð til að refsa fyrir meint brot. Seðlabankinn lagði þá fimmtán milljóna króna stjórnvaldssekt á Samherja sem var felld úr gildi með Hæstaréttardómi í nóvember fyrir tveimur árum. Már Guðmundsson, sem var Seðlabankastjóri á þeim tíma sem málið var til meðferðar hjá bankanum og dómstólum, sagði það hafa verið ótvíræða skyldu að kæra Samherja. Um fjörutíu prósent til Jóns Óttars Skaðabótamálið var þingfest í Héraðsdómi Reykjavíkur fyrir ári. Þá kom fram í máli Garðars G. Gíslasonar, lögmanns Samherja, að stærstur hluti kröfunnar væri tilkominn vegna kostnaðar við lögmenn og endurskoðendur, eða hátt í 247 milljónir króna. Um 59 milljónir króna væru vegna ýmiss kostnaðar sem fyrirtækið varð fyrir. Meðal annars launakostnaðar. Þá hefði fyrrverandi fjármálastjóri fyrirtækisins orðið óvinnufær vegna kvíða og þunglyndis og glímdi við meiriháttar kulnun í starfi eftir rannsóknina. Lögmaður Samherja vísar til þess að rannsóknin hafi staðið yfir í hátt í átta ár og því hafi kostnaðurinn safnast saman yfir þann tíma. Þá hafi rannsóknin beinst að um þrjátíu fyrirtækjum í samstæðu Samherja. Umfanginu hafi fylgt mikill kostnaður. Í frétt Kjarnans af aðalmeðferð málsins í morgun kemur fram að Arna McClure, yfirlögfræðingur Samherja, hafi staðfest að tæplega meirihluti skaðabótakröfu fyrirtækisins væri vegna vinnu Jóns Óttars. Í aðalhlutverki í deilunum við RÚV Jón Óttar sagði í dómsalnum í morgun að vinna hans hefði að miklu leyti farið fram erlendis og þá verið fjarri fjölskyldu sinni til lengri tíma. Hann hefði unnið með nokkrum íslenskum lögfræðistofum við rannsókn málsins. Jón Óttar sem viðmælandi í myndböndum Samherja sem birt hafa verið undanfarnar vikur. Jón Óttar hefur verið í aðalhlutverki hjá Samherja eftir að fréttaskýringaþátturinn Kveikur í Ríkissjónvarpinu greindi var frá viðskiptahættum fyrirtækisins í Namibíu. Málið er til rannsóknar hjá yfirvöldum hérlendis sem í Namibíu. Í vörn sinni hefur Samherji unnið myndbönd þar sem efasemdafræjum hefur verið sáð varðandi umfjöllun Kveiks. Jón Óttar hefur verið viðmælandi í myndböndum fyrirtækisins. Þá hefur hann viðurkennt að hafa sent Helga Seljan, fréttamanni Kveiks, óeðlileg skilaboð í ágúst síðastliðnum. Í sálfræðimeðferð og á geðlyfjum Þorsteinn Már Baldvinsson, forstjóri Samherja, sagði Seðlabankann hafa keyrt málið í gegnum fjölmiðla. Samherji hefði kostað öllu til að komast til botns í málinu og hvergi til sparað. Niðurstaða rannsóknar Samherja hefði verið sú að gjaldeyri hefði verið skilað af kostgæfni. Þegar Jóhannes Karl Sveinsson, lögmaður Seðlabankans, fór að spyrja Þorstein frekar út í málið voru svör forstjórans í styttri kantinum. Þurfti Kjartan dómari nokkrum sinnum að biðja forstjórann um að svara spurningum eða þá neita því að svara þeim að því er fram kemur á vef Viðskiptablaðsins. Þorsteinn Már, fyrir miðju, í dómsal í dag.Vísir/Egill Á vef Mbl er haft eftir Sigursteini Ingvarssyni, fyrrverandi fjármálastjóra Samherja, að hann hefði hætt hjá fyrirtækinu vegna málsins. Hann hefði verið kominn á slæman stað andlega vegna ásakana um fjármálamisferli og ákveðið að setja heilsuna í forgang. Hann væri í sálfræðimeðferð og tæki geðlyf. Aðspurður af Kjartani dómara hvort hann sjálfur hefði velt fyrir sér að höfða einkamál gegn Seðlabankanum svaraði hann því neitandi. Ásakanirnar óljósar Arna Bryndís Balvdins McClure, yfirlögfræðingur Samherja, sagðist í dómsal hafa verið falið það hlutverk að halda utan um ásakanir Seðlabankans um brot á gjaldeyrishöftum. Ásakanirnar hafi verið óljósar og fyrirtækið ekki geta gert annað en velt við öllum steinum í starfsemi félagsins víða um heim. Málið hefði strax ratað í fjölmiðla hér heima og utan landsteinanna. Málið hefði augljóslega verið mjög alvarlegt en fyrirtækið átt í erfiðleikum með að átta sig á því hverjar ásakanirnar væru í grunninn. Lögmenn í forgrunni og Þorsteinn Már í bakgrunni.Vísir/Egill „Það var farið í að afla upplýsinga frá Seðlabankanum hvort Samherji hefði verið að gera eitthvað rangt,“ hefur Mbl.is eftir Örnu úr dómsal. „Ef það hefði verið rétt átti að tryggja að það myndi ekki halda áfram. Talað var við starfsfólk og farið í gegnum ákvarðanatökur.“ Í framhaldinu hefði hún velt fyrir sér hvort Seðlabankinn gæti staðið undir þeim ásökunum sem bankinn héldi fram í garð Samherja. Reikna má með því að dómur verði kveðinn upp í málinu innan fjögurra vikna.
Samherji og Seðlabankinn Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Yfir milljón farþegar fyrstu fjóra mánuði ársins Viðskipti innlent Fleiri fréttir Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Sjá meira