Góð ráð: Í atvinnuleit eftir fimmtugt

Rakel Sveinsdóttir skrifar 19. febrúar 2024 07:00

Það getur margt unnið með okkur í atvinnuleit eftir fimmtugt. Þótt umræðan og tölfræðin segi oft annað. Miklu skiptir þó hvernig við undirbúum okkur og hvernig við berum okkur að í atvinnuleitinni. Vísir/Getty

Það getur verið nánast óhugnanleg tilhugsun að leita sér að nýju starfi eftir fimmtugt. Því eins og umræðan er, virðist allt benda til þess að eftir miðjan aldur geti atvinnuleit orðið sérstaklega krefjandi.

Skiptir þá engu hvort meðmælin séu frábær eða fyrri reynsla.

Eða hvort stundvísi og áræðanleiki sé einkennismerkið þitt.

Svo ekki sé talað um að eftir fimmtugt eru ekki lengur fjarverudagar vegna til dæmis veikindi barna og svigrúm til að taka sumarfríið út óháð lokun leikskóla.

Nei segir tölfræðin. Fimmtugir og eldri virðast hreinlega ekki eiga mjög mikinn séns.

En hér eru nokkur góð ráð sem geta hjálpað.

1. Mildaðu aldurstengingar

Fyrir utan kennitöluna þína, er hægt að gefa upplýsingar upp í ferilkrá án þess að vera ítrekað að draga fram af hvaða kynslóð þú ert.

Dæmi um algenga gryfju er netfangið. Ef það er tölvupóstfang frá aðila sem þekkist ekki á markaði í dag og er nánast ekki nýtt nema af eldra fólki, er um að gera að stofna gmail.

Þá er hægt að tilgreina menntun án þess að tilgreina útskriftarár.

Eins er mælt með því að fara ekki of langt aftur í tímann með starfsreynslu. Eða að gefa þeim störfum sem þú sinntir síðustu árin, mun meira vægi en eldri störfum.

2. Ráð eða meðmæli frá þér yngra fólki

Leitaðu ráða hjá þér yngra fólki og ef þú getur fengið meðmæli frá ungum stjórnanda þá getur það líka komið vel út.

Að fá til dæmis einhvern sem þú treystir vel en gengur vel í atvinnulífinu til að lesa yfir ferilskránna þína og gefa þér endurgjöf gæti verið mjög sterkur leikur.

3. Ertu góður mentor?

Kynslóðaskipti eru stór áskorun fyrir marga vinnustaði en aldrei hefur það gerst fyrr að fjórar kynslóðir hafa starfað saman í atvinnulífinu eins og nú er. Ef þú telur þig vera góðan mentor og eiga auðvelt með að leiðbeina öðrum og miðla af reynslunni þinni, er um að gera að taka það fram.

Að sama skapi er mikilvægt að taka fram hversu fljótt þú nærð að tileinka þér nýja hluti eða breytingar.

4. Taktu dæmi um nýlegan árangur

Þá er gott að tilgreina með dæmum hversu góða og mikla reynslu þú hefur á ákveðnum sviðum eða verkefnum.

Þó þannig að dæmin þín fari ekki of langt aftur í tímann, enda hefur tækniþróun verið hröð síðustu árin og því gæti það dregið úr líkunum þínum ef árangurssögur ná of langt aftur í tíma.

5. Annar undirbúningur gildir líka

Loks er það allur annar undirbúningur, sem þó á við hvaða aldur sem er. Að vinna vel í ferilskránni, kynningarbréfinu, æfa sig undir atvinnuviðtal og svo framvegis.

Að nýta tengslanetið til að benda á þig sem vænlegan starfsmann og svo framvegis.

Í meðfylgjandi grein má sjá enn fleiri góð ráð.

Starfsframi Góðu ráðin Vinnumarkaður

Tengdar fréttir

Aldur og atvinnufærni: „Ég þekki ekkert þennan ENTER gaur“

„Ég hef unnið í þessum starfsþróunarmálum í áratugi, oft með ungu fólki sem er að stofna fyrirtæki og hefja rekstur.

5. júlí 2023 07:01

Vilja breytt viðhorf: „Við erum eins og sett upp í hillu“

„Við erum eins og sett upp í hillu. Allur þessi mannauður verður að hilluvöru í neðstu hillunni þótt þarna sé á ferðinni fjölmennur og fjölbreyttur hópur sem fyrst og fremst vill lifa innihaldsríku og skemmtilegu lífi. Enda á þriðja æviskeiðið að vera besta æviskeiðið,“ segir Guðfinna S. Bjarnadóttir einn af stofnendum Magnavita.

2. nóvember 2022 07:00

Algeng mistök sem fólk gerir þegar það sækir um starf og góð ráð

Það getur verið hægara sagt en gert að skara fram úr í vænum bunka af umsóknum um frábært starf. Og þá skiptir máli að gera ekki mistök.

20. október 2022 07:00

Atvinnuviðtalið: „Mikilvægt að spá vel í söguna sem maður er að selja“

„Að komast í atvinnuviðtalið eða draumastarfið snýst oft um undirbúninginn. Því sá sem situr hinum megin við borðið er kannski aðili að lesa hundrað ferilskrár og þín ferilskrá er því aðeins að fara að fá nokkrar sekúndur til að ná í gegn,“ segir Sturla Jóhann Hreinsson framkvæmdastjóri Vertu Betri ráðningaráðgjafar og vinnusálfræðingur.

19. október 2022 07:01

Starfsframinn: Góð ráð fyrir atvinnuviðtalið

Inga Steinunn Arnardóttir ráðgjafi hjá Hagvangi fer hér yfir nokkur góð ráð fyrir fólk sem er að fara í atvinnuviðtal. Hún ráðleggur fólki að fara úr yfirhöfninni, þiggja vatnsglasið, vera íhaldssamt í klæðnaði, jákvætt og vel undirbúið.

2. mars 2020 09:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir