Ekki orðið var við illt umtal um Hótel Rangá Kolbeinn Tumi Daðason skrifar 27. ágúst 2020 17:05 Friðrik Pálsson, eigandi Hótel Rangár, er mikill flugáhugamaður. Vísir/Einar Árnason Friðrik Pálsson, eigandi Hótel Rangár á Suðurlandi, óttast ekki að fjölmiðlaumfjöllun um hótelið í tengslum við smit sem uppgötvaðist hjá gestum hótelsins og sendi meðal annars ráðherra í ríkisstjórinni í sóttkví hafi slæm áhrif á reksturinn til framtíðar. Fólk viti betur en svo enda sýni dæmin að fólk geti smitast hvar sem er. Hann finni fyrir miklum stuðningi í samfélaginu. Þetta kom fram í máli Friðriks í Reykjavík síðdegis á Bylgjunni í dag. „Síðustu dagar hafa verið býsna erfiðir skulum við segja,“ segir Friðrik sem hefur verið í sóttkví ásamt stærstum hluta starfsfólk Hótel Rangár undanfarna tíu daga eða svo. „Þetta kom okkur svo algjörlega í opna skjöldu, eins og þruma úr heiðskýru lofti og öllum varð illa við. Einhvern veginn var það nú þannig að það er með þetta eins og svo margt annað að þótt við séum öllu að reyna að gera okkar besta erum við útsett fyrir að þetta getur komið upp hvar sem er.“ Heima í sóttkví Sjö gestir og einn starfsmaður sem voru á Hótel Rangá helgina 15.-16. ágúst reyndust smitaðir af kórónuveirunni. Hótelinu var lokað í vikunni á eftir og hafa fjölmargir gestir og starfsmenn farið í sóttkví vegna veru sinnar á þessum tíma. Hótelið er lokað sem stendur enda Friðrik í sóttkví heima hjá sér eins og flest starfsfólk. „Vitanlega fórum við í ýmsar aðgerðir. Mest af því var eitthvað sem við vorum kannski ekki beðin um að gera. Við lokuðum umsvifalaust þegar þetta kom upp. Fysrt og fremst til að vernda velferð gesta okkar og starfsfólks. Jafnframt fengum við sérhæft fyrirtæki til að sótthreinsa allt húsið. Fyrst og fremst til að fullvissa okkur og okkar gesti um að við hefðum gert allt sem við gætum til að sýna þann möguleika sem við hefðum til að öllum liði betur.“ Nú er opnun í undirbúningi og stefnt á þriðjudaginn 8. september. Tilbúinn í slaginn á nýjan leik Ekki voru allir starfsmenn í fríi eða vakt á þessum tíma og því lausir til að sinna sinni vinnu. „Þannig að við erum alveg tilbúin að hleypa lífi aftur í hótelið þegar það er allt komið heim og saman.“ Sumarið gekk ágætlega að sögn Friðriks fram að hinni óvæntu stöðvun. Einstaklingarnir sem reyndust smitaðir tengjast ekki að öðru leyti en að þeir voru allir á hótelinu.Hótel Rangá. „Það var bara býsna mikið að gera. Auðvitað var dálítil aukning á útlendingum þennan tíma sem var opið. Íslendingar komu líka til okkar í býsna miklum mæli. Eins og margoft hefur komið fram eru heildartekjur hótelana lægri heldur en topptíminn júlí-ágúst á undanförnum árum. En miðað við aðgerðir sem hið opinbera hefur hjálpað okkur með, hlutabótaleið og þess háttar, höfum við komist þokkalega í gegnum sumarið.“ Þótti vænt um orð Ölmu Alma Möller landlæknir ítrekaði mikilvægi nærgætinnar umfjöllunar um kórónuveirufaraldurinn á upplýsingafundi í dag. Óviðeigandi væri að tengja smit, veirur eða faraldra við ákveðna staði líkt og dæmi séu um nú. Vísaði Alma þar til umræðu um þá veiru sem hefur náð að dreifast í samfélaginu undanfarnar vikur. Hún sagði smitin ýmist vera tengd við Akranes eða Rangá í samfélagsumræðunni en ítrekaði að ekki væri vitað um uppruna veirunnar. Tilfellin hefðu aðeins fundist þar. Hún sagði umrætt raðgreiningarmynstur nú greinast í öllum landshlutum og því ætti ekki að tengja það við tiltekna staði að hennar mati. „Mér þykir afskaplega vænt um að heyra að Alma hafi fjallað um þetta á fundinum í dag,“ sagði Friðrik sem hefur þurft að heyra nafn hótelsins endurtekið í miðlum undanfarnar vikur. „Það er augljóst að þegar við höfum undir þessum kringumstæðum gert allt sem við lifandi getum, fylgt öllum ráðleggingum um fjarlægðarmörk, spritt og handþvott og fleira þá verður manni auðvitað illa við. Það auðvitað sannar fyrir okkur þessum mannlegu verum sem við erum að þetta er alveg greinilega háð einstaklingssóttvörnum, hvernig svona hlutir dreifast. Það er lærdómurinn fyrir okkur öll. Það er enginn annar sem ver okkur fyrir þessu.“ Viðbrögð fólks mjög jákvæð Hann óttast þó ekki að umfjöllunin hafi neikvæð áhrif á reksturinn í framtíðinni. „Nei, ég held nú ekki. Hún er fræg þessi setning frá Hollywood að betra sé illt umtal en ekki neitt. En ég held að þetta sé ekkert illt umtal. Allir sem á annað borð hafa kynnt sér hvernig þessi veira er eða hvernig hún dreifist eru ekkert að kenna okkur um frekar en öðrum.“ Þá hafi viðbrögð fólks verið mjög jákvæð. Margir haft samband og sagt að því finnist leitt að þetta hafi komið upp. „Aðallega hefur maður áhyggjur af starfsfólkinu sem auðvitað mætir til vinnu með aðeins annað hugarfar en áður. Þau eru hræddari en áður og það láir þeim engum. Það vill enginn fá þessa veiru. Auðvitað verða allir á tánum en mikið meira getum við ekki gert. Vonum bara að þeir sem eru með einhver einkenni séu ekki að fara að koma á veitingastað, hótel eða aðrar samkomur. “ Faraldur kórónuveiru (COVID-19) Ferðamennska á Íslandi Rangárþing ytra Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokar Önnu Jónu og segir það mikinn létti Viðskipti innlent Sjö vilja taka við af Gunnari Viðskipti innlent Vinnunetföng algeng leið fyrir hakkara til að brjótast inn í íslensk fyrirtæki Viðskipti innlent „Ég var skíthrædd að senda þessa tölvupósta“ Atvinnulíf Hagnaður Landsbankans nam 7,2 milljörðum á fyrstu þremur mánuðum ársins Viðskipti innlent Hefja sölu á íbúðum á Orkureitnum Viðskipti innlent Bein útsending: Stærri styrktækifæri í mannvirkjaiðnaði Viðskipti innlent Frumkvöðlar koma saman í Kolaportinu Viðskipti innlent Ástin laðar að: Gott að vera kona á Íslandi, en ekki innflytjandi Atvinnulíf Stofnandi Binance dæmdur fyrir peningaþvætti Viðskipti erlent Fleiri fréttir Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Sjá meira
Friðrik Pálsson, eigandi Hótel Rangár á Suðurlandi, óttast ekki að fjölmiðlaumfjöllun um hótelið í tengslum við smit sem uppgötvaðist hjá gestum hótelsins og sendi meðal annars ráðherra í ríkisstjórinni í sóttkví hafi slæm áhrif á reksturinn til framtíðar. Fólk viti betur en svo enda sýni dæmin að fólk geti smitast hvar sem er. Hann finni fyrir miklum stuðningi í samfélaginu. Þetta kom fram í máli Friðriks í Reykjavík síðdegis á Bylgjunni í dag. „Síðustu dagar hafa verið býsna erfiðir skulum við segja,“ segir Friðrik sem hefur verið í sóttkví ásamt stærstum hluta starfsfólk Hótel Rangár undanfarna tíu daga eða svo. „Þetta kom okkur svo algjörlega í opna skjöldu, eins og þruma úr heiðskýru lofti og öllum varð illa við. Einhvern veginn var það nú þannig að það er með þetta eins og svo margt annað að þótt við séum öllu að reyna að gera okkar besta erum við útsett fyrir að þetta getur komið upp hvar sem er.“ Heima í sóttkví Sjö gestir og einn starfsmaður sem voru á Hótel Rangá helgina 15.-16. ágúst reyndust smitaðir af kórónuveirunni. Hótelinu var lokað í vikunni á eftir og hafa fjölmargir gestir og starfsmenn farið í sóttkví vegna veru sinnar á þessum tíma. Hótelið er lokað sem stendur enda Friðrik í sóttkví heima hjá sér eins og flest starfsfólk. „Vitanlega fórum við í ýmsar aðgerðir. Mest af því var eitthvað sem við vorum kannski ekki beðin um að gera. Við lokuðum umsvifalaust þegar þetta kom upp. Fysrt og fremst til að vernda velferð gesta okkar og starfsfólks. Jafnframt fengum við sérhæft fyrirtæki til að sótthreinsa allt húsið. Fyrst og fremst til að fullvissa okkur og okkar gesti um að við hefðum gert allt sem við gætum til að sýna þann möguleika sem við hefðum til að öllum liði betur.“ Nú er opnun í undirbúningi og stefnt á þriðjudaginn 8. september. Tilbúinn í slaginn á nýjan leik Ekki voru allir starfsmenn í fríi eða vakt á þessum tíma og því lausir til að sinna sinni vinnu. „Þannig að við erum alveg tilbúin að hleypa lífi aftur í hótelið þegar það er allt komið heim og saman.“ Sumarið gekk ágætlega að sögn Friðriks fram að hinni óvæntu stöðvun. Einstaklingarnir sem reyndust smitaðir tengjast ekki að öðru leyti en að þeir voru allir á hótelinu.Hótel Rangá. „Það var bara býsna mikið að gera. Auðvitað var dálítil aukning á útlendingum þennan tíma sem var opið. Íslendingar komu líka til okkar í býsna miklum mæli. Eins og margoft hefur komið fram eru heildartekjur hótelana lægri heldur en topptíminn júlí-ágúst á undanförnum árum. En miðað við aðgerðir sem hið opinbera hefur hjálpað okkur með, hlutabótaleið og þess háttar, höfum við komist þokkalega í gegnum sumarið.“ Þótti vænt um orð Ölmu Alma Möller landlæknir ítrekaði mikilvægi nærgætinnar umfjöllunar um kórónuveirufaraldurinn á upplýsingafundi í dag. Óviðeigandi væri að tengja smit, veirur eða faraldra við ákveðna staði líkt og dæmi séu um nú. Vísaði Alma þar til umræðu um þá veiru sem hefur náð að dreifast í samfélaginu undanfarnar vikur. Hún sagði smitin ýmist vera tengd við Akranes eða Rangá í samfélagsumræðunni en ítrekaði að ekki væri vitað um uppruna veirunnar. Tilfellin hefðu aðeins fundist þar. Hún sagði umrætt raðgreiningarmynstur nú greinast í öllum landshlutum og því ætti ekki að tengja það við tiltekna staði að hennar mati. „Mér þykir afskaplega vænt um að heyra að Alma hafi fjallað um þetta á fundinum í dag,“ sagði Friðrik sem hefur þurft að heyra nafn hótelsins endurtekið í miðlum undanfarnar vikur. „Það er augljóst að þegar við höfum undir þessum kringumstæðum gert allt sem við lifandi getum, fylgt öllum ráðleggingum um fjarlægðarmörk, spritt og handþvott og fleira þá verður manni auðvitað illa við. Það auðvitað sannar fyrir okkur þessum mannlegu verum sem við erum að þetta er alveg greinilega háð einstaklingssóttvörnum, hvernig svona hlutir dreifast. Það er lærdómurinn fyrir okkur öll. Það er enginn annar sem ver okkur fyrir þessu.“ Viðbrögð fólks mjög jákvæð Hann óttast þó ekki að umfjöllunin hafi neikvæð áhrif á reksturinn í framtíðinni. „Nei, ég held nú ekki. Hún er fræg þessi setning frá Hollywood að betra sé illt umtal en ekki neitt. En ég held að þetta sé ekkert illt umtal. Allir sem á annað borð hafa kynnt sér hvernig þessi veira er eða hvernig hún dreifist eru ekkert að kenna okkur um frekar en öðrum.“ Þá hafi viðbrögð fólks verið mjög jákvæð. Margir haft samband og sagt að því finnist leitt að þetta hafi komið upp. „Aðallega hefur maður áhyggjur af starfsfólkinu sem auðvitað mætir til vinnu með aðeins annað hugarfar en áður. Þau eru hræddari en áður og það láir þeim engum. Það vill enginn fá þessa veiru. Auðvitað verða allir á tánum en mikið meira getum við ekki gert. Vonum bara að þeir sem eru með einhver einkenni séu ekki að fara að koma á veitingastað, hótel eða aðrar samkomur. “
Faraldur kórónuveiru (COVID-19) Ferðamennska á Íslandi Rangárþing ytra Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokar Önnu Jónu og segir það mikinn létti Viðskipti innlent Sjö vilja taka við af Gunnari Viðskipti innlent Vinnunetföng algeng leið fyrir hakkara til að brjótast inn í íslensk fyrirtæki Viðskipti innlent „Ég var skíthrædd að senda þessa tölvupósta“ Atvinnulíf Hagnaður Landsbankans nam 7,2 milljörðum á fyrstu þremur mánuðum ársins Viðskipti innlent Hefja sölu á íbúðum á Orkureitnum Viðskipti innlent Bein útsending: Stærri styrktækifæri í mannvirkjaiðnaði Viðskipti innlent Frumkvöðlar koma saman í Kolaportinu Viðskipti innlent Ástin laðar að: Gott að vera kona á Íslandi, en ekki innflytjandi Atvinnulíf Stofnandi Binance dæmdur fyrir peningaþvætti Viðskipti erlent Fleiri fréttir Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Sjá meira